Enginn er verri ţó hann vökni
08. júní 2006 klukkan 04:00
Eitthvað hefur himnafaðirinn tekið þetta alvarlega með dularfulla vatnshvarfið og skorist í leikinn. Í dag rigndi hressilega í Krikanum en var hlýtt og milt. Lóan sem stendur þarna á miðjum stígnum var hress í dag enda nóg af ormum út um allt. Vatnsveitukarlarnir komu í gær og grófu holur um allt hverfið en fundu ekki orsök vatnshvarfsins samt sem áður. Í dag sást ekki til þeirra.
Birtan og litirnir í rigningunni voru ákaflega fallegir í paradísinni okkar í dag og verðugt verkefni fyrir vatnslitamálara eða myndasmiði.
Hér er svo mynd frá því á sunnudaginn siðasta þegar Árni og Arndís einbeittu sér að vöfflubakstir og rjómaþeyting eins og sjá má.