Fróđleikur um jurtirnar í Krika.
28. júlí 2006 klukkan 16:36
Kristín R. Magnúsdóttir sendi okkur þennan fróðleiksmola um jurtirnar í Krika: Eftirfarandi jurtir á bloggsíðu Krika eru lækningajurtir, sjá t.d. bókinni: Íslenskar lækningajurtir, eftir Arnbjörgu L. Jóhannsdóttur o.fl. bókum.
Ætihvönn, lokasjóður, tágamura, hrafnaklukka, lyfjagras, mjaðurt, gulmaðra, gleym mér ei, vallelfting, túnsúra, blóðberg, túnfífill, beitilyng, fjalldalafífill, burnirót, njóli, maríustakkur, ljónslappi og hreindýramosi.
Hef ekkert fundið um hreindýramosa í bókum, en er sagt af fróðum að hann sé jafningi fjallagrasa og jafnvel enn betri. Hann er til rannsóknar í Háskóla Íslands, eins og fleiri ísl.jurtir til lyfjagerðar.
Alhliða heilsute, 7 jurtir:
Varúð! Ef of mikið er af sumum jurtunum, gæti það valdið skaða. Hlutföll verða að vera rétt.
Fallagrös, hreindýramosi, ljónslappi, maríustakkur, blóðberg, túnsúra og rjúpnalauf.
Fólk skyldi alltaf leita til læknis, ekki treysta eingöngu á jurtir, en hafa þær með. Þær eru stundum lengi að virka, en langvirkni er góð og gott að nota þær með lyfjum, ýmist til töku innvortis eða sem krem og olíur. Ég minnkaði gigtarlyfin mín um leið og jurtirnar fóru að virka og síðustu tæp 7 ár, hef ég aðeins notað krem úr ísl. villtum jurtum (tínd utan alfaraleiða).
Hér á landi eru margir að gera frábær jurtakrem og –olíur og hægt að kaupa þau í heilsubúðum og lyfjabúðum um allt land. Engar aukaverkanir, en auðvitað virka ekki allar jurtir eins á alla. Ef þú gefur jurtalyfjum sömu tækifæri þ.e. tröllatrú á virkni og þú hefur á pillum frá læknum, þá mun þér vel farnast. Til að flýta fyrir virkni jurta, er betra að bera þau á sig (eða drekka te) x 2 á dag.