kriki.bloggar.is

Vel heppna�ir dagar undanfari� og n� er n�jasta marki� Kj�ts�pukv�ld 3. sept.

Tue, 16 Aug 2011 23:59:43 +0000

Bátadagurinn var einstaklega vel heppnaður og veðurblíðan lék við okkur. 111 skráðu nöfn sín í gestabókina góðu en erfitt er að meta hver fjöldinn var. Bátarnir voru í gangi allan daginn og alltaf biðröð í þá. Krikavinir bökuðu vöfflur á fjögur vöfflujárn í 4 tíma og svo var grillað meðan einhver tók við.

Við viljum þakka öllum sem komu og nutu með okkur og þó sérstaklega Kjartani Jakob Haukssyni sem er potturinn og pannann í þessu og sér um bátana og bryggjuna með bros á vör. Einnig viljum við þakka öllum þeim sjálfboðaliðum sem gerðu okkur kleift að hafa daginn svona glæsilegan.

En við erum ekki hætt enn verur opið alla daga í ágúst frá kl. 13 til 18 og 19 á föstudögum. Hefðbundin dagskrá, Vöfflurfjör á sunnudögum milli 3 og 5, Pylsupartý á föstudögum frá kl. 17 til 18.30. Prjónafjör á mánudögum og Kærleikur og hugguleg heit alla daga. Allir eru alltaf velkomnir.

3. sept. nk. verður Jóna Marvins og Krikavinir með fjáröflun. Jóna eldar hina margrómuð íslensku kjötsúpu sína og hún seld til fjáröflunar. Súpan mun kosta 1000 kr. og 800 kr. fyrir börn, ábót, kaffi og brauð fylgja. Til að vita hversu mikið magn Jóna þarf að elda er nauðsynlegt að skrá sig fyrir 1. sept. í sima 551-7868 eða senda tölvupóst á netfangið annakristin@sjalfsbjorg.is

Í Krika er allt unnið í sjálfboðavinnu og ágóðinn fer óskiftur í framkvæmdir við Krikann okkar dásamlega.

Ath. að við tökum ekki kort.

Allir eru alltaf velkomnir

Krikavinir

�� er �a� �kve�i� B�tadagurinn ver�ur � laugardaginn :-)

Wed, 10 Aug 2011 13:47:11 +0000

Þannig að nú er um að gera að bretta upp ermar og skálmar og láta vaða í einn léttan róður um Elliðavatn. Kjartan Jakob Hauksson sem réri kringum Ísland árið 2005, verður okkur til halds og trausts sem fyrr. Undanfarin ár hefur fullt af fólki nýtt sér leiðsögn þessa ,,róandi" manns og hefur hann gert allt til þess að hver og einn geti farið í bátsferð um vatnið. Fatlaðir fá aðstoð við að fara í bátana og á vatnið og eru þeir sérstaklega hvattir til að fjölmenna og njóta traustra handtaka Kjartans og hans manna. Göngustígar eru aðgengilegir niður að vatni og í húsinu er klósett aðgengilegt fyrir hreyfihamlaða. Allir eru velkomnir ungir sem gamlir. Allt hefur hingað til tekist vel og þessi atburður verið einn sá vinsælasti í Krika á hverju ári.

Kjartan og félagar sjá um bátana og öryggismálin, Krikavinirnir sjá um veitingar og annað sem til þarf. Hægt verður að kaupa heitar vöfflur og ýmislegt góðgæti í húsinu okkar. Seinnipartinn verða síðan grillaðar pylsur. Vonandi fjölmennið þið og mætið með alla fjölskylduna.

Kriki, útivistarsvæði Sjálfsbjargar félags fatlaðra hefur verið opinn á hverju sumri þar sem allir geta komið og notið þeirrar náttúru sem þetta einstæða vatn hefur upp á að bjóða. Frítt er í bátana en veitingar seldar gegn vægu verði og allur ágóði fer til uppbyggingar í Krika Ath. við tökum ekki kort.

Opið verður frá 12.00 til 18.00 en bátarnir verða í gangi frá kl. 13.00 til 17.00. Tilvalinn dagur fyrir fjölskylduna að kíkja, njóta náttúrunnar, prófa bátana og fleira.

Sjáumst hress

Krikavinir

Hinn �rlegi b�tadagur ver�ur haldinn � Krika vi� Elli�avatn 13. e�a 14. �g�st!

Fri, 29 Jul 2011 12:04:00 +0000

ATHUGIÐ: Þessu verður þannig háttað í þetta skiptið að Bátadagurinn verður haldinn annaðhvort á laugardeginum eða sunnudeginum, eftir því sem betur viðrar. Endanleg dagsetning verður auglýst á fimmtudeginum 11. ágúst hér og á facebook. Hér til vinstri er einnig að finna leiðarlýsingu. Þá verður hægt að hringja á fimmtudeginum og föstudeginum í síma 899-2764 til að fá nánari upplýsingar.

Kjartan og félagar sjá um bátana og öryggismálin, Krikavinirnir sjá um veitingar og annað sem til þarf. Hægt verður að kaupa heitar vöfflur og ýmislegt góðgæti í húsinu okkar. Seinnipartinn verða síðan grillaðar pylsur. Vonandi fjölmennið þið og mætið með alla fjölskylduna.

Kriki, útivistarsvæði Sjálfsbjargar félags fatlaðra hefur verið opinn á hverju sumri þar sem allir geta komið og notið þeirrar náttúru sem þetta einstæða vatn hefur upp á að bjóða. Frítt er í bátana en veitingar seldar gegn vægu verði og allur ágóði fer til uppbyggingar í Krika Ath. við tökum ekki kort.

Opið verður frá 12.00 til 18.00 en bátarnir verða í gangi frá kl. 13.00 til 17.00. Tilvalinn dagur fyrir fjölskylduna að kíkja, njóta náttúrunnar, prófa bátana og fleira.

Sjáumst hress Krikavinir

B�tadagur seinnipart sumars

Mon, 11 Jul 2011 00:18:24 +0000

Mikið fjör er flesta daga í Krika þetta sumarið og sjálfboðaliðarnir uppátektarsamir. Stærsti atburður sumarsins og sá sem fastagestir hlakka alltaf mikið til er Bátadagurinn. Kjartan Jakob Hauksson sem réri kringum Ísland til styrktar Sjálfsbjörg hefur komið einu sinni á sumri með fullt af bátum og leyft öllum sem vilja að sigla um Elliðavatn undir vökrum augu hans og hjálparmanna hans. Fyrirhugað er að halda Bátadaginn í ár seinnipart sumars. Dagsetningin er enn á reiki en fer mikið eftir veðurspánni, en hún verður auglýst hér svo fylgist vel með síðunni.

Annars er föst opnun alla daga frá kl. 13.00 til kl. 18.00 nema föstudaga þá er opið til kl. 19.00. Á sunnudögur er alltaf vöfflukaffi kl. 3 og á föstudögum er pylsupartý kl. 17.00 til 18.30. Á mánudögum er Ása Hildur með prjónakennslu en að öðru leiti er dagskráin opin fyrir allt mögulegt sem sjálfboðaliðarnir taka sér fyrir hendur.

Við erum að sjálfsögðu líka á facebook svo endilega gerist vinir okkar þar til að fylgjast enn betur með.

Krikaknús á ykkur

Loka� vegna jar�afarar til kl. 4 f�studaginn 8. j�l�

Wed, 06 Jul 2011 13:14:54 +0000

Í sumar er opið alla daga frá kl. 13.00 til 18.00 nema föstudaga þá er opið til kl. 19.00. Næsta föstudag þann 8. júlí er þó ekki opnað fyrr en kl. 16.00 vegna jarðafarar.
Grillað verður kl. 17.00 til 18.30.
Allir velkomnir alla daga

Prj�nadagur � laugardaginn

Wed, 22 Jun 2011 21:22:46 +0000

Laugardaginn 25. júní kl. 13-18 ætlar Ása Hildur að endurtaka leikinn frá fyrra og hafa prjónadag í Krika við Elliðavatn. Þá eru allir hvattir til að koma með prjóna eða annað handverk. Hægt verður að prjóna bæði úti á palli, úti í náttúrinni, við vatnið eða bara inni allt eftir veðri.

Ása Hildur ætlar að koma með garn og prjóna ef einhver vill kennslu eða hjálp við prjónaverkefni er það velkomið. Einnig kemur hún með eitthvað af prjónablöðum og bókum. Þá verður hún með prjónamerki til sölu. Við ætlum að hafa þetta allt mjög óformlegt og umfram allt skemmtilegt

Allir velkomnir og endilega takið með ykkur gesti. Hægt verður að kaupa drykki og íspinna á staðnum. Ath. tökum ekki kort.

�tivistarsv��i fatla�ra � Krika vi� Elli�avatn

Mon, 13 Jun 2011 21:27:01 +0000

: Sumarið 1994 vaknaði hugmynd að koma upp útivistarsvæði fyrir fatlaða í nágrenni Reykjavíkur, þar sem fatlaðir og hreyfihamlaðir gætu stundað veiðar og útiveru.

Þegar Magnús Hjaltested bóndi á Vatnsenda við Elliðavatn frétti af þessum áformum hafði hann samband við stjórn félagsins og bauð Sjálfsbjörg á höfuðborgarsvæðinu afnot af landi við Vatnsenda.

Er skemmst frá því að segja að þegar þessi höfðinglega gjöf var fengin var strax farið af stað við undirbúning og gróðursetti þáverandi forseti Íslands frú Vigdís Finnbogadóttir fyrstu plönturnar sumarið 1995.

Auður Sveinsdóttir landslagsarkitekt var fengin til að skipuleggja svæðið og var sérstök áhersla lögð á að landið væri aðgengilegt fötluðum þar sem þeir gætu stundað útiveru og veiðar.

Lagðir hafa verið hellulagðir stígar og hlaðnar upp bryggjur sem hægt er að komast um á hjólastólum. Við gróðursetningu og stígagerð unnu sjálfboðaliðar svo og fólk sem var á skrá yfir atvinnulausa í Kópavogi sem vann mikið við þessar framkvæmdir sem nokkurs konar atvinnuuppbótar vinnu. Þá unnu þarna krakkar úr Vinnuskóla Reykjavíkur sumarið 1996.

Bráðabirgðahús var sett á lóðina og smíðaður pallur í kringum það.

Í júní 1998 var svæðið formlega opnað og hlaut það nafnið Kriki.

Oflug starfsemi hefur verið í Krika undanfarin sumur og sumarið 2006 var bætt við húsakostinn í Krika.

Veturinn 2007-2008 var unnið að miklum endurbótum í Krika sem gjörbreyttu aðstöðunni þar til hins betra.

Hekl og prj�nakennsla alla m�nudaga � j�n�

Sun, 05 Jun 2011 23:52:46 +0000

Alla mánudaga í júní frá kl. 13.00 til 18.00 ætlar Ása Hildur að vera til taks ef einhver vill kennslu í hekli eða prjónaskap. Garn og prjónar á staðnum.

Í Krika erum við líka komin af stað með samprjónsverkefni. Fyrirmyndin kemur frá Sjálfsbjörg í Vestmannaeyjum. Við ætlum að hafa frammi prjónakörfu með garni, heklunálum og prjónum þannig að allir geti gripið í verkefnið þegar þeir eru í stuði. Ætlunin er að búa til teppi sem verður samsett úr fjölmörgum bútum sem allir eiga að vera 12 sm á kant. Aðferðin er frjálst. Gott væri ef þeir sem eru aflögufærir um garn eða áhöld leggi þau til í körfuna góðu.

Opið er nú alla daga frá kl. 13 til 18 nema föstudaga þá er opið klst lengur.

Regluleg opnun hefst 1. j�n�

Mon, 30 May 2011 12:48:32 +0000

Vaskir sjálfboðaliðar ætla að hafa opið í Krika í allt sumar. Opið verður alla daga frá kl 13.00 til kl. 18.00 nema föstudaga þá verður opið til kl. 19.00.

Kriki er landskiki í landi Vatnsenda við Elliðavatn, sem Sjálfsbjörg félag fatlaðra á höfuðborgarsvæðinu hefur til umráða. Sönn útivistarparadís með aðgengilegum göngustígum niður að vatni og smá athvarfi, þar sem allir eru velkomnir. Sjálfboðaliðar sjá um að hafa opið alla daga vikunnar í sumar. Þar eru og tvær bryggjur. Félagar geta dundað sér við útivist af ýmsu tagi, bara nota hugmyndaflugið.

Kaffisala og veitingar verða að mestu með hefðbundnu sniði. Líka er hægt að kaupa ís, gos og sælgæti og merkjasöluvöru Sjálfsbjargar og rennur allur ágóði til Krika. Á föstudögum kl. 17 - 18.30 verða grillaðar pylsur og á sunnudögum kl. 15 - 17 verða bakaðar vöfflur. Ath. Við tökum ekki kort.

Í Krika eru 2 snyrtingar, önnur aðgengileg fyrir hjólastólanotendur. Kriki við Elliðavatn er sönn útivistarparadís og tilvalið að vera þar. Koma með nesti með sér eða kaupa það sem til er eða grilla á pallinum. Ef fólk þarf aðstoðarmenn, þarf það að sjá fyrir þeim sjálft.

Hægt er að panta daga fyrir uppákomur og hópa hjá Kristínu R. Magnúsdóttur í síma 865-6706 eða stinar@isl.is

Veiðibók er á staðnum. Aðeins fullgildir félagar í Sjálfsbjörg fél.fatl.á höfuðb.sv., fá veiðileyfi hjá okkur. Aðrir verða að fá leyfi t.d. í Kríunesi. Kvittanir fyrir félagsaðild, fást á skrifstofu Sjálfsbjargar á skrifstofutíma.

Hér á síðuna verða svo settir inn aðburðir þegar eitthvað er í gangi.

Nú er þegar ákveðið að vera með Sveitasúpu 9. júní og Prjónadag 25. júní sjá nánar hér til vinstri.

Allir eru velkomnir í Krikann

T�kum forskot � s�luna og h�fum opi� sunnudaginn 29. ma�

Fri, 27 May 2011 10:42:33 +0000

Þá er komið að því við ætlum að hafa formlega opnum í Krika sunnudaginn 29. maí. Þá verður opið milli 13.00 og 18.00 og seldur sjoðheitar vöfflur kl. 15.00.
Regluleg opnum hefst þó ekki fyrr en 1. júní en eftir það verður opið alla daga frá kl. 13.00 til 18.00 nema á föstudögum þá verður opið til kl. 19.00. Dagskrá verður með hefðbundnu sniði. Vöfflukaffi á sunnudögum kl. 15.00 og pylsupartý á föstudögum kl. 17.00.
Nokkrar uppákomur verða í sumar, fyrst verður Jóna Marvins og vaskir sjálfboðaliðar með Sveitasúpudag til styrktar Krika 9. júní sjá nánar í auglýsingu í dálknum hér til vinstri.
25. júní ætlar Ása Hildur að vera með Prjónadag en það vakti mikla lukki í fyrra. Nánar auglýst síðar.
Verðskrá má sjá hér til vinstri sem og leiðarlýsingu og fleiri fróðleik um Krikann, svæðið og starfsemina þar.

Vonumst til að sjá sem flesta í sumar

Kriikavinir